سلام اچمستان-چُد رُزی جلوتـَه تی دلکی واستودُم یَک چی امدی مهست تنسِه تعریف بکنم اگر امکان اوشهه بزنی تی سایتتو.
تی دَلـَک خونی واستودُم مَدی که باا او بچ کـُمَر یَه هُدِت ، بچ دِرَی دُوار
برا اچو ازبس عذاب شده ، گمونم 3-4 سالی اُشهُد، باا هَم کپ شخو اکد او شسِر خو از،
بچ هم انگار نه انگار.دست شه هرچی انه باا شِلِی کله اجخت و واویلا زته.
خلاصه هی بچ اذاب شَدَه باا هم شـُلـُخ شکه، وینی بچ، مَه تو نِه آدُمِه، دَیکـَی
ابو دواره بچ دِرَی دوار برا اچو او یک بَدِنی شَکه،باا شروع شـَکه، بتمرگ ، بپرشک،
واویلا تو نه بچ آدُمِه، بشم ننت کوی ته اتواسی ، تزنـُما ، ریزه تدکنـُم ، مَه تو
مکوو نچسته؟؟ او اِن حرفانو ، بچو هَم خو تو گته بچ ان حرفیانو شکله یَچه.
دیکی بو ننش اومَه او باا اِ مارکه دُرچو الا ننه شروع اوشکه زتوکـُت اِ بچ
کرده او بَی خُدَه که خَستال شـَکلـُت ببه ،جونمرگ ببه ، تهلمرگ ببه ، ولو بَدُه ، سبیل بُردَه(بِگـُم
بچ گربَی؟) ،خدا که صدات اِه برکه برا بیا، نهره کشده، یک مشتی خود پـِش شلی سَک
بچ زَه او دو سه تا هَم چپلاخ، اِن حرفیانو بچ هُم اِکارَ واشه او یک مشتی کارَه
اوشده اُو شِخـُو چو، دَیکـَی خونه آرومود
تا بچ اِخوو اوروستـَه چو پَهلـِی ننه ،ننه هَم شروع اوشکرده اسی کربو صدکـَی بچ
چدو که کربُن بچُم ببم ، کربُن چشیی بدمیت ، کربُن کد او برات او ان حرفیانو ، خُب
اِن خُد کد نیم وجبیش شما شِه دِرازن دوار برا کردُت ینی خوتوو ادرازِن دوار برا
اچدی ،او اندو تـُسِر بچ زبوبستنو اَوُو، نه وَ زتت اُو بَی خُدت نه اِ کربو صدکش
چده.
اله تکی شولـه شسه درت کِردِه ، شتی یک کساتی زر دل بچ ، اِجَی که وَ خوشباش
شه کپ نسِه ، هَی اِ بچ بزهِنو گتی بزمهک ، اَزِمَهکِه یا نـَه؟؟ خـُب تو شه
خوشباش گِل اگه اوشنخه ، وَ زَبُنِه خش.
لـُب کلام مَی اِن بگم که:
خُب مَه اندو خُد بچ رفتار اکنت ؟ مَه خـُت نه بچ بُسته ،تو چدُنه چه تِسِر
بوا او ننت در اهورده؟ الا اگه راست گـُتا
سراخ شونبگل. تو خوت گته بچ مهلوم که هیچی حالی اوشنی ، خـُب بچ تی مِن سنو انژی
بُری اوشهه بایستی تخلیه بکو، نه اهمه اِه
بچو واخونی نه زتوکوت اوشبکنی، نگتام بچ نـَلـَک شاکو ، اندو هَم شِه مهلا، هَم
اَحِب اوتبه هَم یک خوردَی وِل اوشبکنی تـَه بازیش بکو، نه زیاد شه حرف نِی ، نِه
شه حرف مَبی ، بـِشـُم خوتـُن فکر بکنی کجا باید چو بکنی، او اِه همه فرضتـَه انکه
بَی خودو نِخوبـِه ، مَه کسی بَی اِه بَچُش هَم اخونی؟؟
دنیا عوض بوده نه دورَی کدیمه ، بچیا هَم روشن وابستت ، یـَک وهیلی به از ان
بـِم – کاکام ، دادام سال 2012 هِما 1391
کلکلاتی.
هیچ نظری موجود نیست:
ارسال یک نظر